ازاى تعمل ال C.V

  البيت بيبان من عنوانه والموظف بيبان من سفيهاته

دلوقتى بدانا ندور على الشغل وكل يوم افتح النت واشوف وظائف خاليه وامسك الجرايد صبح ليل  اشترى الجرايد الصفرا والخضرا ولو فى جرايد كروهات بردو هشتريها وادور  المهم اول ما تشوف اعلان تلاقى وارسال الCV او السيرة الذاتية
اولا بقى ال C.V دا  يعنى

الCV اختصار كلمة Curriculum Vitae ودى كلمة لاتينيه معناها السيرة الحياتية او السيرة الذاتيه  من الاخر اى حاجة تخص حياتك وممكن تاثر على شغلك هتتكتب فيها.

باللهجة الأمريكية يسمى resume 

الـ CV له نمطين
إما 
Modern Block
أو 
traditional system
 ال C.V دا عبارة عن ورقة Word بتكون كاتب فيها معلوماتك الشخصية ومؤهلاتك والدورات او الكورسات اللى اخدتها و زى ما قلت اى حاجة هتاثر على شغلك هتكتتبها طبعا دى بسيطة كل المشكلة اللى بتكون ف السى فى انك لازم تنسقه بحيث يبقى مش محتاج مجهود من صاحب الشغل انه يقراه او يطلع معلوماتك لان صاحب الشغل بياخد كل انطباعاته عنك من خلال الورقه دى يعنى منظم ولا فوضوى ثقافتك لغتك دى حاجات بيلاحظها من قبل ما يقرا معلوماتك الترتيب دا يبكون معروف وهعرض باذن الله اكتر من نموزج للسى فى 

اول حاجة 

اول حاجة فى السيفى الاسم ودا بيكون العنوان وبتكتب تحته معلومات الاتصال

الاسم
العنوان 
المحافظة والدولة 
رقم التليفون 
الايميلالفاكس

 

التنسيق ممكن يختلف ودا اللى بيميز CV عن التانى فى سيفهات هتنزل كاملة ان شاء الله فاخر الموضوع 

 تانى حاجة  : الهدف الوظيفى CAREER OBJECTIVE:

دى بقى اهم حاجة فى السى فى لانها اول حاجة بتتقرى  ودى بتكتب فيها انت عاوز تتشغل ليه هدفك من الوظيفة لازم تكون مختصرة بس متضمنه حاجات كتير 

كمان حاول ان مبكونش فيها اخطاء املائية او كلمات مختصرة او يكون فيها غموض 

يعنى حاول تكتب حاجة انت واثق فيها اوى لانك اول سؤال هتتساله فالانتر فيو  الهدف  

وطبعا دا بيختلف حسب الوظيفة اللى بتقدملها يعنى مثلا  خدمة عملا بتختلف عن  محاسب كمان الشغل مثلا فى شركة هيختلف عن الشغل فى بنك وهكذا 

طبعا دى مش ثابتة

تااااالت حاجة   التعليم Education 

هنا مش محتاجة غير انك تكتب الحقيقة يعنى مؤهلاتك العلمية
جامعة :
كلية وشعبه : تجارة قسم محاسبة / قسم ادارة
المؤهل : بكالريوس دبلوم ماجستير لسانس .....
سنة التخرج : 201x
التقدير : مقبول جيد جيد جدا ......

: University 

: Specialization 

: Graduation Year 

:Graduation Grade
ممكن تضيف الشهادة الثانوية  هى مش ضرورى بس لو حابب تضفها  عادى بس اكتر اللى ممكن يهتم بيها تقريبا الشركات الحكومية 

راااااااااااابع حاجة  الخبرات والتدريبات  

Training /Experience
طبعا هنا بتكتب لو اخدتت دورات او كورسات لو اتدربت او ليك عمل تطوعى  لو اشتغلت قبل كدا
بتكتب هنا اسم الوظيفة واسم الشركة او مكان التدريب  و مدة التدريب من  الى
اهم حاجة  انك تكون  منظم من حيث التاريخ بمعنى ان يكون فى تسلسل زمنى يعنى
2005
2006
.
.
.
2012
او العكس من الاجدد للاقدم
 انك تكتب الحاجات اللى معاك ليها شهادات او اثبات انك اخدتها

• باذن الله هيكون فى شرح لاهم الكورسات اللى مفروض تخدها كخريج تجارة واماكنها

 خامسا المهارات الذاتية  Skillsهنا بتكتب اللغات اللى بتعرفها  مش شرط اللغات الللى متميز فيها  لكن كلها بس بتكتب جنبها مستواك فيها مثلا
عربى : اللغة الام   ممتاز
انجليزى : جيد جدا
فرنساوى : جيد
تركى : مبتدء
ولو شايف نفسك مميز فى حاجة معينة فى اللغة يمعنى انك فى التركى بتقرى وتكتب كويس جدااا لكن مش بتعرف تتكلم  وهكذا فى الفرنساوى حاول تفسر المهارات  زى كدا
اللغة      كتابة     قراءة    فهم     تحدث    استماع
عربى    ممتاز     ممتاز   ممتاز   ممتاز     ممتاز
انجليزى  جيد   ممتاز    ممتاز   جيد      جيد جدا


وهكذا  فى باقى اللغات
حاول دايما تزود المهارات فى اللغة والكمبيوتر  

بردو هنزل اكتر من موقع لتعليم اللغات وفديوهات

 وفى نفس قسم المهارات بتكتب الكمبيوتر حاول تكتب كل اللى تعرفه فى الكمبيوتر والانترنت وحاول تتعلم برامج محاسبة وبرامج الاوفس  والانترنت وحاول تفهم عن الحاجات العملية اكتر 

مهارات الحاسب

إجادة برامج ويندوز وميكروسوفت أوفيس

دراية بمبادئ برنامج كويك بوكس

وهكذا

Computer Skills.Highly skilled in Windows, MS Office
.Basic Awareness of quick Books

الهوايات
 تكتب مهاراتك اللى متكتبتش فوق او مكنش ليها مكان اى معلومات زيادة مثلا
حصلت على الجائزة الاولى فى فن الرسم / امتلك رخصة قبادة / وهكذا
واكتب  هوياتك

اخيراااااااااااااا اكتب البيانات الشخصية

النوع :
الجنسية :
الجنسية الثانية :
تاريخ الميلاد:

PERSONAL INFORMATION

 *Date of Birthday: 23 April 1989    

   *Marital Status: single

   *Nationality: Egyptian 

                                                                Sex: female

 انت كدا عرفت السى فى بيتكون من ايه البوست اللى جاى ان شاء الله هيكون فيه اكتر من سى فى جاهز وهيكون فيه الحاجات اللى مفروض تتجنبها وانت بتكتب السى فى